Bergleif Brimvík var spurdur av Útvarpinum í kvøld klokkan 18, hví løgreglan ikki hevði meira kunning, og við hesum spurningi, hví løgreglan ikki hevði tíðindafundir, so fleiri av teimum leysasøgum sum komnar eru út í Pidda-málinum, ikki høvdu verið komnar út.

Men leiðarin í Kriminaldeildini svaraði ikki spurninginum, men undirstrikaði bara, at leysasøgur fekk hann einki gjørt við.

Eg øtaðist, tá ið eg hoyrdi hetta svar, at ein maður sum livir av kunning í sínum dagliga arbeiði sum leiðari á eini Kriminaldeild, ikki eigur annað svar.

Jú sanniliga hevði Kriminaldeildin fingið steðgað nógvum leysasøgum, um meira kunning hevði verið beinanvegin.

T.d. hevði søgan á heimasíðuni hjá Dimmalætting ikki verið skrivað, at Piddi var funnin í eini bingju í Leirvík, um meira kunning hevði verið.

Eisini førdi leiðarin fram, at løgreglan hevði ikki orku at hava kunning ella tíðindafundir, men tað er eisini eitt óskiljandi svar.

Talan er ikki um orku ella ikki orku, men talan er um eina skyldu at verja tey avvarandi, børn og familju, so ikki leysasøgur, lygnir og gitingar koma út.

Kunningin í dag er úti á alnetinum og koma boðini út beinanvegin í rættari versión, so eingin grund er at gita og sleyga.

Tað eigur ein leiðari av eini Kriminaldeild at vita.

ólavur

Les eisini:

- Kom til sakina

- Gott kvøld frú fúti! Ert tú ikki til arbeiðis?

Neyðars børn og familja

Aftur