- Jógvan Jespersen sigur heldur ikki allan sannleikan um prísin

Tá ið tað kemur til prísin av makreli í fjør, so sigur Jógvan Jespersen heldur ikki allan sannleikan.

Jú, rætt hevur hann í at prísurin hjá hinum skipinum (ísfiskatrolarunum) ikki var líka høgur sum hjá nótaskipinum, hann gloymir at siga grundina til hetta.

Jógvan, um tú ikki veit tað, ja, so skal eg siga tær hví. 

Vit fiskaðu allir av einari olympiskari felagskvotu, so tað var umráðandi at fáa so nógv tons upp sum gjørligt so kom prísurin í aðru rekkju, hetta ávaraðu vit myndugleikarnar í móti.

Jógvan Jespersen og co.  fingu sína eginkvotu longu fyrst í mai mánað, hettar uttan at rinda nakað avgjald, sum øll onnur máttu gera.

Hini fingu loyvini til at fiska av heildarkvotuni fríggjadagin 17. juni og vit kundu byrja at fiska mánadagin 20. juni klokkan 00:01.

So vit høvdu eitt vikuskifti til at gera avtalur við keyparar og útvega okkum trol o.a. Vit kláraðu at gera góða avtalu, men tað vóru ikki allir sum sluppu at fiska av hesi heildarkvotu sum kláraðu tað, og um tølini sum Jógvan Jespersen legði fram eru eftirfarandi, so hevur prísurin verði 2,50 kr/kg hjá trolarunum sum landaðu til Lafayette, men nótaskipini landaðu til somu móðurskip sum hinir fyri meira enn tað dupulta í prísi, hettar BERT tí teir høvdu eginkvotu.

Man kann leggja aftrat, at fyri at gera tað enn verri fyri okkum sum fiskaðu av heildarkvotuni, so bleiv Finnur Fríði fluttur frá bólkinum við eginkvotu til olympisku felagskvotuna sum var ætlað til tann bólkin sum fiskar botnfisk og onnur.

Við makrelkvøðu

Suni Jakobsen
Skipari á M/tr Ednu

Les eisini:

Jógvan Jespersen sigur ikki allan sannleikan

Aftur