'FUCK' – nýggja brandið hjá Degi & Viku

Kringvarp Føroya hevur sett eina novisu í starv í Degi & Viku, hvørs miðsjón er at hunddálka hampa føroyingar, ið hava ofrað stóran part av sínum lívi fyri móðurlandið.

Novisan - alias messlingurin - hevur einki annað gjørt í sínum stutta og óprofessionella arbeiðslívi enn at jagstra hampafólk við ógrundaðum fiktivum slatrisøgum frá firtnum fólki, sum ikki hava fingið sín vilja ígjøgnum at behaga sær sjálvum uppá landsins besta heldur enn at arbeiða.

Feskastu dømini uppá hesa psykotisku journalismu er forfylgingin av tveimum aðalstjórum og tveimum landsstýrismonnum í grannskoðaramálinum.

Sum allar kanningar vísa – uttan sjálvandi tann eina, sum var ikki annarleiðis enn alt, ið har kemur frá – eru hesir menn fullkomiliga ósekir og einki annað enn forfylgdir í sínum egna landi. Ja einum landi, ið brúkar so nógva orku uppá mannarættindi og enntá eina ørgrynni av eksotiskum rættindum av einum og hvørjum slagi, at ein verður noyddur at googla í dagavís fyri at fáa minstu hóming av øllum hesum.

Við sínum tatoveraða knýttneva “FUCK” er messlingurin farin undir eina herferð ímóti monnum í álitissessum í føroyska samfelagnum eins og hansara líkar í øðrum londum við somu tatovering á sama stað.

Tann grundleggjandi spurningurin er og verður, hvussu í víðu verð vit føroyingar skulu standa sum modell fyri hesi mannajagstran frá einum almennum stovni, sum vit Guð hjálpi okkum eisini við tvingsli skulu fíggja.

Er tíðin ikki langt síðan komin, at tíðindaleiðslan í Degi & Viku tekur í egnan barm og byrjar at læra av sínum starvsbrøðrum í BBC, DR og NRK, heldur enn at lata ein tilvildarligan punkrockara forsumpa okkara almenna miðil.

Aftur