Dátueftirlitið og Býarbókasavnið skipa fyri teknikapping

Dátueftirlitið: Í sambandi við Tryggari Internetdagin, sum verður hildin á Býarbókasavninum í Havn 7. februar 2012, skipa Dátueftirlitið og Býarbókasavnið fyri teknikapping, har øll børn í forskúlaaldri kunnu luttaka við at tekna eina tekning.

Kappingin er fyri børn í forskúlaaldri, t.v.s. at tey eru 6 ára gomul, og skulu byrja í fyrsta flokki komandi skúlaár. Les meira um treytirnar her

Evnið í teknikappingini er “ein góð internethending/uppliving”. Børnini skulu sostatt royna at tekna okkurt gott við internetinum. Tey kunnu t.d. royna at tekna eitthvørt stuttligt, sum tey sjálvi hava upplivað á internetinum, ella sum tey halda er gott ella stuttligt við internetinum. Hetta gevur høvi at tosa við børnini um internetið, meðan teknað verður.

Tekningin skal teknast á eina skabelón, sum ímyndar ein telduskerm. Tað er upp til hvønn einstakan, um man heldur seg innanfyri skabelónina, ella um man eisini teknar uttanfyri. Heinta skabelónina sum pdf skjal her

Hvørt barn hevur loyvi til at senda eina tekning inn til kappingina, og tekningin kann avleverast í ein kassa á Býarbókasavninum í seinasta lagi 4. februar 2012. Um ikki ber til at koma á Býarbókasavnið við tekningini, er eisini møguleiki at senda hana við postinum.

Børnini, sum hava teknað tær tríggjar bestu tekningarnar vinna ein Nintendo DS í part. Besta tekningin verður haraftrat útgivin sum Go Card.

Ein dómsnevnd verður sett at meta um tekningarnar og at velja tær tríggjar bestu tekningarnar. Allar tekningarnar verða sýndar fram á Býarbókasavninum á Tryggari internetdegnum tann 7. februar 2012 og restina av vikuni.

Aftur