Floksleiðslulimur: - Súreplið dettur ikki langt frá trænum

- Fólkaflokkurin hevur ein góðan formann, sum hevur ført Fólkaflokkin til ein stórsigur á seinasta vali soleiðis at hann í tingmanning er størsti flokkur í Føroyum saman við Sambandsflokkinum.

- Hetta hevur eingin annar fólkafloks formaður megnað, og eisini tá ið hugsað verður um atkvøðutal, so er tað nýtt met.

- Sum taktikari og samráðingaleiðari, so eigur flokkurin ein tann besta politikara, vit eiga í dag, so at skifta formann bara tí at Breakfast-jugendin í Havnini ikki er nøgd, tað er nakað bíligt.

Soleiðis sigur ein floksleiðslulimur í Fólkaflokkinum, sum er eitt sindur fortørnaður um alla tann ófrið og uppskrápan sum er í flokkinum í løtuni, bara tí fólk vilja troðka seg framat, kosta hvat tað vil.

- Verður tað hinvegin soleiðis, at Annika Olsen kemur framat formanspostinum í Fólkaflokkinum, so fáa vit kaos omaná kaos, tí tað hevur tað verið síðani hon kom í flokkin. Tað tókst sum er hennara endamál kaos undan makt.

- Og so skula vit eisini minnast til, at súreplið dettur ikki so langt frá trænum, tað er eitt gott og gamalt orðatak, ið sigur tað, og til allar tíðir er satt.

- Er tað tað sum floksleiðslan vil, ein upploystan og kaotiskan Fólkaflokk, ja, so vrakar hon Jørgen.

- Vil floksleiðslan hinvegin hava frið, ja, so góðtekur hon viðmælið.

- Eg var vaktur klokkan 7 ein morgunin av eini Breakfast-jugend, sum royndi at fáa meg at skrápa støðu til fyrimunar fyri ein annan formann, enn tann vit hava, men sum sagt verður, tú veitst hvat tú hevur, men veitst ikki, hvat tú fært, tóat eg fái lagt aftur, at eg veit akkurát hvat eg fái.

- So tí er at vóna, at floksleiðslan ikki letur seg lokka av tí ágangi sum er í løtuni frá ymiskum jugend bólkum, sum bara hugsa um makt og seg sjálvan, skrivar limur í floksleiðsluni, sum ikki hevur hug at vera nevndur, tá ið val stendur fyri durum.

Aftur