Fólkatingið er ein barnagarður

Tað eru nývaldir danskir politikarar, sum gera vart við seg, tí teir eru bilsnir av tí lága støðinum, sum politiska orðaskiftið í Danmark er á.

Donsk bløð hava tosað við nývaldar politikarar úr øllum flokkum sum siga, at tað er ótrúligt at hoyra vaksin fólk tosa so ókonstruktivt, tá endamálið átti at verið eitt heilt annað.

- Tað eru tær grundleggjandi somu infantilu mekanismurnar sum gera seg galdandi í einum barnagarði, sigur Mette Bock sum er nývald fyri Eindarlistan við Politiken.

Áðrenn hon varð vald í Fólkatingið var hon stjóri í privata vinnulívinum, og hon sigur, at slíkur atburður ongantíð hevði gingið har.

Alt sær út til at snúgva seg um at seta mótstøðufólk í ringt ljós, heldur enn at finna felags loysnir á landsins trupulleikum, heldur hon.

- Nógvir av politikarunum á Christiansborg høvdu heilt einfalt verið róptir inn á skrivstovuna hjá mær til eina álvarsliga samrøðu um hetta hendi í privata vinnulívinum.

Nývaldu fólkatingsumboðini, sum øtast av arbeiðslagnum á Borgini, fáa stuðul frá royndum politikarum sum Mogens Lykkefoft og Bertel Haarder, sum í dag eru ávíkavist formaður og næstformaður í Fólkatinginum.

Teir halda, at politikararnir broyttu atburð í 2009, tá Fólkatingið fór at varpa tingfundirnar beinleiðis á netinum. 

- Tað er sum um at valstríð er alla tíðina, halda teir. 

Aftur