Føroyskt kvøld í Parkini

Leygardagin 03. mars verður staðið Lions And Barrels, karmur um eitt stórt føroyskt tónleika tiltak í Keypmannahavn. Dyrnar lata upp kl 20:00, fyrstu luttakandi fara á pall kl 21:00.

Tónleikararnir verða:

STANLEY SAMUELSEN:
Føroyski gittarleikarin, sangarin, sangskrivarin og yrkjarin Stanley Samuelsen hevur, síðan hann gav út fyrstu fløguna við yrkingum eftir Janus Djurhuus, verið fagnaður og viðurkendur fyri sítt inniliga og meistarliga gittarspæl og vøkru sangir. Stanley hevur røtur heilt aftur í 60’ini við Silly Boys úr Fuglafirði, men tað er serliga tað hann hevur latið frá sær seinnu árini, sum hevur fingið føroyingar at tikið stillføra og lítlatna fuglfirðingin til sín av nýggjum.

EIVØR:
Megnar songkvinnan úr Gøtu, sum hevur rúnarbundið áhoyrararnar við sínum vakra og spennandi sangum, ið eru útkomir á ymsum útgávum nógvu seinastu árini.Seinast hevur Eivør júst framført til hátíðarhaldið fyri drottningini í samband við hennara 40 ára jubileum. Hon gav eina meistarliga framførðslu av laginum ‘May it be’ úr filminum ‘Lord Of The Rings’

Jens Marni Band:
Jens Marni Hansen er føroyska pop/rock legendan sum fær ein og hvørja fólka mongd upp at kóka. Við sínum vælsvingandi og fangandi tónum hevur hann prógva ferð eftir ferð, at hann megnar at fáa áhoyrarar og tónleik upp í eina hægri eind, og veruliga fær eina fjøld upp á kók.

Dj’ Afrokid:
Mike Antony Charles Johannesen aka DJ Afrokid er millum bestu diskarar vit eiga. Hann hevur rokkið stórari virðing í bransjuni. Hann hevur millum annað diska til størstu Dj veitsluna í Danmark, ‘Distortion’og eisini hevur hann verið nógv at hoyrt á navnframum klubbum sum Rust, Pumpehuset,Dunkel, Vega osfrv.

Aftur