Guðmundur vann

Føroya Triathlon Felag skipaði fyri fyrsta árlig duathlonkappingini í dag á økinum kring studentaskúlan í Hoydølum. Fyrst skuldu súkklast 15 km á fjallasúkklu og síðan rennast 7,5 km. Nógvur kavi og frískur vindur var, men hetta foraði ikki fyri at kappast.

Ikki óvæntað vóru tað Gunnar Dahl Olsen og Andrass Joensen, báðir royndir fjallasúkklarar, ið løgdu best fyri og drógu frá Guðmundi Joensen, sum hinvegin ikki er vanur at kappast á fjallasúkkluni. Gunnar og Andrass tugaðust leingi, men til síðst dróg Gunnar frá Andrassi, tá so komi var til renningina var Gunnar fremstur, 2 minuttir framman fyri Andrass og heilar 6 minuttir framman fyri Guðmund.

Men skjótt sást, at Andrass fór at taka Gunnar aftur, og at Guðmundur legði hart út fyri at vinna fram aftur.

Tá 2,5 km vóru eftir var Andrass nakað framman fyri Guðmund á øðrum plássinum, ið tá eisini hevði lagt Gunnar aftur um seg, men stutt áðernn málið fekk Guðmundur fatur á Andrass og bleiv tí á mál. Eitt úrslit, sum prógvar, at Guðmundur ikki bara er allarbesti triathloníðkarin í Føroyum, men eisini millum skjótastu rennarar okkara.

Guðmundur hevur sett sær tað mál, at á oyggjaleikunum á Bermuda skal hann standa á ovasta skamlinum. Eitt mál, ið als ikki er óhugsandi, tá samanborið verður við tíðirnar hann hevur havt 2-3 tey seinastu árini.

Ùrslitini vóru hesi:

Aftur