Hymns From Nineveh á G!

Hymns From Nineveh - So Mournful The Elegy, So Comforting The Hymn (Live GO' Morgen)

Besti nýggi bólkurin í Danmark í 2011 sambært Gaffa, Hymns from Nineveh, kemur á G! Festival. Ummælarin hjá Politikken segði m.a. soleiðis um teirra framförslu á Roskilde 2011 ”Hymns from Nineveh gik på scenen og skabte en af de Roskilde-koncerter, man lever og ånder for”. Hymns from Nineveh hava givið tvær jólaútgávur út (!), umframt eina EP og eina sjálvnevnda fløgu út. Hon fór beinleiðis inn á fyrsta plássið á danska iTunes hittlistanum og topp 10 í donsku fløguhandlunum og við árslok útnevndi Gaffa fløguna sum hina bestu yvirhøvur í Danmark í fjør.

Jonas H. Petersen byrjaði Hymns from Nineveh í 2007 og sálmadrongurin skrivar allan tónleikin og øll orðini. Men hann vil tó treyðugt kalla bólkin eina solo-verkætlan. Sangirnir eru tað týdningarmesta og teir eru í miðdeplinum, sigur Jonas.

Aftrat sær á pallinum hevur Jonas H. Petersen sjey fólk, sum fullkoma livandi framførslurnar. Hesar framførslur eru eisini nakað heilt serligt. Ummælarin á enska tónleikaritinum Mojo segði seg darra av ovfarakæti eftir at hava hoyrt bólkin á SPOT festivalinum í fjør.

Í summar stendur G! fyri törni, so nú er bert eftir at taka veingirnar fram, stramma sær yvirvörrina og pussa gloriuna, tí tað verður einglasongur á skránni, tá ið Hymns from Nineveh trína á G! pallin. Halleluja!

Í gjár kunngjördi G! Festivalurin at John Grant úr USA kemur at spæla í summar og í dag at Hymns from Nineveh koma. Í morgin er aftur ein nýggjur bólkur á skránni. Fylg við G! Festival á Facebook ella á gfestival.fo

Video:
Hymns From Nineveh - Christmas Is Here (Live fra GO'morgen Danmark)

Slóðir:
Hymns.dk
Hymns From Nineveh á Facebook

Aftur