Lafayette fær ikki fiska

Vágaportalurin hevur áður skriva um fiskiskapin hjá Lafayette í Suðurstillahavinum, har givin var upp ein nógv størri nøgd, tí reiðaríið segði, at skipið hevði sjálvt fiska ein part av hesi nøgdini. Hetta var sjálvandi gjørt til tess at skipið skuldi fáa størri kvotu árið eftir.

Men sambært Intrafish í grein í dag, so hava spanskir myndugleikar verið umborð á Lafayette tann 2 og 3 desember í 2011, tá ið skipið lá í Las Palmas.

- Um Lafayette skuldi fiska sum partrolari, so skuldi skipið verið fullkomiliga umbygt, siga fiskiveiðu myndugleikarnir í Spania í eini frágreiðing sum Intrafish hevur fingið innlit í.

Frágreiðingin er send til stovnin SPRFMO saman við einum brævi frá Roberto Cesari frá ES-parlamentinum.

Cesari skrivar, at frágreiðingin frá sponsku fiskiveiðu myndugleikunum prógva tað sama sum kanning vísti umborð á Lafayette tann 24. januar 2010 á Papeete, at Lafayette virskaði ikki sum ein trolari í 2009, og heldur ikki í 2010.

- Umframt at frágreiðingin eisini vísti myndir sum prógvaðu at Lafayette ikki heldur hevur verið partrolari.

Intrafish hevur roynt at fáa eina viðmerking frá China Fiskery, Pacific Andes, men felagið hevði onga viðmerking.

Skrásett í Singapore, so eigur Pacific Andes Resources Development 70,6 prosent av China Fishery. Og Hongkong skrásetta felagið Pacific Andes International Holding eigur 66.5 prosent av Pacific Andes Resources Development.

Aftur