Magna Thomassen: - Smáu bygdaskúlarnir eru teir bestu

Um foreldur vilja børnum sínum væl, eiga tey at búsetast á bygd, so børn teirra kunnu fáa sína skúlagongd  har.

Hesir skúlar eru sera væl útgjørdir til at taka ímóti næmingum í øllum aldri.

Skúlastovurnar eru fáar, og inni í teimum er oftast øll tann útgerð, íð er neyðug til undirvísing so sum bøkur, sjónvarp, teldur o.m.a. Harafturat eru lærarnir fáir, so teir kenna børnini og foreldur teirra væl.

Samskiftið millum skúla og heim er gott og støðugt, har ongir trupulleikar verða skúgvaðir til viks, men tiknir fram og viðgjørdir nærsagt í føðingini.

Bygdin og skúlin verða ein eind, har næmingarnir eisini í skúlatíðini kenna seg trygg, tí tey vita, at  heimið og alt, tey eru góð við, er beint fyri durunum.

Tey børn, sum dagliga liva tætt at náttúruni, har tey spæla og læra at kenna plantu-, dýra- , bónda- og sjólívið, hava ta bestu, mest gevandi og stimbrandi barlast og viðførning, sum onnur bert hissini fáa innlit í.

Trupulleikin við teimum stóru skúlunum er at:

• næmingarnir ikki hava útgerð tøka í skúlastovuni
• langt er ofta at fara eftir bókum, sum skulu brúkast
• har eru góðar umstøður at verða happað/ur og ikki at fáa hjálp
• næmingar verða lættliga fakliga illa fyri
• har eru fleiri lærara, ið ikki hava førleika og hegni til lærarastarvið

Har eru ikki góðir møguleikar at menna sín føroyska samleika.

Fremmandafólk vita ikki alt tað góða at bera møguleikunum hjá børnum á bygd her á landi.

Eisini vit eiga at síggja hesa stórbæru gávu, vit hava fingið.

Gevið tí børnunum góð barnaár og -minni. Gevið teimum eitt ríkt og mennandi liv á bygd og gevið teimum møguleikan at ganga í góða skúlanum har.

Við skúla- og lærarakvøðu
Magna Thomassen

Aftur