Netbankin sum app

Eik Banki: Hevur tú eina Smartphone, ber til at fáa Netbankan sum app á telefonina, soleiðis at tú kanst avgreiða øll vanlig bankaørindi nær og hvar tað passar tær. Tænastan riggar sjálvsagt eisini á iPad og iPod Touch.

Í oktober mánaði 2011 fingu Eik kundar atgongd til nýggjastu útgávuna av Netbankanum við nýggjum sniði og nýggjum skráum. Harumframt vóru eisini nýggjar tænastur knýttar at Netbankanum, so sum ‘Boðtænastan’ og ‘Netbankin til fartelefonir’.

Nýggjasta tænastan, sum nú er tøk, er applikasjónin til Smartphone telefonir, sum hevur somu funkur sum vanligi netbankin. Til ber m.a. at gera flytingar, síggja kontuyvirlit, bókingar og saldu. Eisini ber til at finna nærmastu sjálvtøku og bankadeild.

Trygdin tann sama
Netbankin sum app hevur somu trygd sum vanligi netbankin. Vit mæla tó fólki til at fáa sær kotu á telefonina afturat sjálvum netbankaloyniorðinum, fyri at kunna læsa telefonina, soleiðis at óviðkomandi ikki hava atgongd.

Løtt app at heinta
Netbankin sum app kann heintast í App Store til iPhone og App Market til Android telefonir. Til ber eisini at scanna QR kotuna, sum liggur á heimasíðuni og í Netbankanum fyri at koma beinleiðis inn á applikasjónina. 

Les meira um Netbankan sum app.

Aftur