Neyðtøkuroynd í plantaguni í Havn

Illustrerandi mynd

Løgreglan: Í morgun kl. 0407 kom fráboðan inn til løgregluna um neyðtøkuroynd í plantasjuni í Havn.

Ein 17 ára gomul genta gekk niðan eftir Hoydalsvegi og tá hon kom áraka portrið til plantasjuna, kom ein maður til hennara, tók um hana og dragsaði hana inn í plantasjuna. Hann segði henni sítt navn og at hann ætlaði at neyðtaka hana. Hann legði hana niður og royndi at neyðtaka hana.

Gentan varnaðist tá 2 persónar úti á vegnum og hon rópti um hjálp.

Gerningsmaðurin rann hereftir frá staðnum og er ikki sæddur síðani.

Lýsing av manninum:  18-22 ár, kommunufarvað/brúnt hár, spíska nøs, 175-180 cm. høgur, spinkult bygdur, vanligur í vavi, ílatin  myrkamorreyða troyggju (onki um lynlás ella knappar) og cowboybuksur, vælrøktur (velsoigneret) møguliga sjómanstypa, tosaði møguliga Suðuroyamál. Hann var ikki menningartarnaður, men tyktist forvirraður og vildi hava gerningin lidnan so skjótt sum møguligt.

Politiið ynskir at tosa við fólk, sum hava verið í økinum um hesa tíðina ella sum halda seg vita okkurt, sum kann føra nærri eini uppkláring. Møguliga hevur gerningsmaðurin frammanundan staðið og bíðað longur niðri við Hoydalsvegin og fylgt aftan á gentuni.
 

Aftur